Kerala Weather : കേരളത്തിൽ അടുത്ത മൂന്ന് മണിക്കൂർ മഴക്കും ശക്തമായ കാറ്റിനും സാധ്യത; അഞ്ച് ജില്ലകളിൽ വിദ്യാഭ്യാസ സ്ഥാപനങ്ങൾക്ക് അവധി
അടുത്ത മൂന്ന് മണിക്കൂറിൽ കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളിൽ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും
കേരളത്തിൽ അടുത്ത മൂന്ന് മണിക്കൂർ മഴക്കും ശക്തമായ കാറ്റിനും സാധ്യത; അഞ്ച് ജില്ലകളിൽ വിദ്യാഭ്യാസ സ്ഥാപനങ്ങൾക്ക് അവധി
അടുത്ത മൂന്ന് മണിക്കൂറിൽ കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളിൽ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് (IMD) അറിയിച്ചു.
സംസ്ഥാനത്ത് വിവിധ ജില്ലകളിൽ ഇന്ന് മുതൽ അടുത്ത നാല് ദിവസത്തേക്ക് ഓറഞ്ച്, മഞ്ഞ അലർട്ടുകൾ നിലവിലുണ്ട്.
കനത്ത മഴയെ തുടർന്ന് മലവെള്ളപ്പാച്ചിൽ, മണ്ണിടിച്ചിൽ എന്നിവയ്ക്ക് സാധ്യതയുള്ളതിനാൽ പൊതുജനങ്ങൾ അതീവ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി (KSDMA) മുന്നറിയിപ്പ് നൽകി.
മഴ മുന്നറിയിപ്പിന്റെ പശ്ചാത്തലത്തിൽ ഇന്ന് അഞ്ച് ജില്ലകളിലെ എല്ലാ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചു. കാസർഗോഡ്, വയനാട്, എറണാകുളം, ആലപ്പുഴ, കോട്ടയം ജില്ലകളിലെ മുഴുവൻ വിദ്യാഭ്യാസ സ്ഥാപനങ്ങൾക്കും ഇന്ന് അവധിയായിരിക്കും.
കോഴിക്കോട് ജില്ലയിൽ ഭാഗിക അവധിയാണ് പ്രഖ്യാപിച്ചിരിക്കുന്നത്. വടകര, താമരശ്ശേരി താലൂക്കുകളിലെ വിദ്യാഭ്യാസ സ്ഥാപനങ്ങൾക്കാണ് ഇന്ന് അവധി ബാധകമാകുന്നത്.
അനാവശ്യ യാത്രകൾ ഒഴിവാക്കണമെന്നും, വെള്ളക്കെട്ട്, മരങ്ങൾ കടപുഴകൽ, ശക്തമായ കാറ്റ് എന്നിവയുമായി ബന്ധപ്പെട്ട അപകടസാധ്യതകൾ കണക്കിലെടുത്ത് അധികൃതരുടെ നിർദേശങ്ങൾ കർശനമായി പാലിക്കണമെന്നും ദുരന്ത നിവാരണ അതോറിറ്റി അഭ്യർഥിച്ചു.
English Summary : The IMD has issued a rain and wind alert across Kerala for the next three hours. Heavy rainfall has prompted authorities to declare a holiday for educational institutions in Kasaragod, Wayanad, Ernakulam, Alappuzha, and Kottayam districts today, with partial holidays in Kozhikode. KSDMA urges extreme caution against landslides and flash floods.
ശബരിമല: ഭക്തര് ദര്ശന സമയത്തില് മാറ്റം വരുത്തണമെന്ന് ദേവസ്വം ബോര്ഡ്
തീവ്ര മഴയെ തുടര്ന്ന് പമ്പാ നദിയില് വെള്ളപൊക്കം ഉണ്ടായ പശ്ചാത്തലത്തില് നിറപുത്തരി ചടങ്ങുകള്ക്ക് ശബരിമല നട തുറക്കുന്ന ഓഗസ്റ്റ് 2, 3 തീയതികളില് ശബരിമല ദര്ശനം നടത്താന് തീരുമാനിച്ചിട്ടുള്ള ഭക്തര് കഴിവതും യാത്ര ഒഴിവാക്കണമെന്ന് തിരുവിതാംകൂര് ദേവസ്വം ബോര്ഡ് അറിയിച്ചു.
ഓഗസ്റ്റ് മാസത്തില് തന്നെ ചിങ്ങമാസ പൂജകള്ക്കായും (ഓഗസ്റ്റ് 16 മുതല് 21 വരെയും) ഓണത്തോട് അനുബന്ധിച്ച പൂജകള്ക്കായും (ഓഗസ്റ്റ് 24 മുതല് 28 വരെയും) ശബരിമല നട തുറക്കുന്നുണ്ട്. ഇത് ദര്ശനത്തിനായി ഭക്തര്ക്ക് തിരഞ്ഞെടുക്കാവുന്നതാണെന്നും ബോര്ഡ് പറഞ്ഞു. കനത്ത മഴ തുടരുന്നതിനാലും മണ്ണിടിച്ചില് സാധ്യതയുള്ളതിനാലുമാണ് തിരുവിതാംകൂര് ദേവസ്വം ബോര്ഡ് ഭക്തരോട് ഇത്തരത്തില് ഒരു അഭ്യര്ത്ഥന നടത്തിയത്.
English Summary: The Travancore Devaswom Board (TDB) has requested devotees to avoid visiting the Sabarimala temple on August 2 and 3 during the Niraputhari rituals, following severe flooding in the Pamba River caused by heavy rainfall.
