Kerala Weather : മീനച്ചിൽ നദിയിൽ ജലനിരപ്പ് 23 അടിയായി; പാലയിൽ അതീവ ജാഗ്രത
കനത്ത മഴയെ തുടർന്ന് മീനച്ചിൽ നദിയിലെ ജലനിരപ്പ് ആശങ്കാജനകമായി ഉയരുന്നു. മീനച്ചിൽ നദീ-മഴ നിരീക്ഷണ ശൃംഖലയുടെ (MRRM) ഏറ്റവും പുതിയ കണക്ക് പ്രകാരം ഇന്ന്
മീനച്ചിൽ നദിയിൽ ജലനിരപ്പ് 23 അടിയായി; പാലയിൽ അതീവ ജാഗ്രത
കനത്ത മഴയെ തുടർന്ന് മീനച്ചിൽ നദിയിലെ ജലനിരപ്പ് ആശങ്കാജനകമായി ഉയരുന്നു. മീനച്ചിൽ നദീ-മഴ നിരീക്ഷണ ശൃംഖലയുടെ (MRRM) ഏറ്റവും പുതിയ കണക്ക് പ്രകാരം ഇന്ന് (ഓഗസ്റ്റ് 1) രാവിലെ 11.20-ന് പാലയിലെ റിവർ ഗേജിൽ ജലനിരപ്പ് 23 അടി രേഖപ്പെടുത്തി. ജലനിരപ്പ് ഇപ്പോഴും വളരെ സാവധാനത്തിൽ ഉയരുന്ന പ്രവണത തുടരുന്നതായും നിരീക്ഷണത്തിൽ വ്യക്തമാക്കുന്നു.
MRRM ന്റെ അപകടനില സൂചിക പ്രകാരം 0–9 അടി വരെ ഗ്രീൻ അലർട്ട്, 9–14 അടി വരെ യെല്ലോ അലർട്ട്, 14–30 അടി വരെ റെഡ് അലർട്ട് വിഭാഗത്തിലാണ്. നിലവിലെ 23 അടി ജലനിരപ്പ് റെഡ് അലർട്ട് പരിധിയിലാണ്.
ഇന്നത്തെ ജലനിരപ്പിൽ മണിക്കൂറുകൾക്കിടെ വലിയ വർധനയാണ് രേഖപ്പെടുത്തിയത്. പുലർച്ചെ 1.40-ന് 12 അടി ആയിരുന്നത് രാവിലെ 3.00-ന് 15 അടിയായും, 5.00-ന് 18 അടിയായും, 9.30-ന് 22 അടിയായും ഉയർന്നു. തുടർന്ന് രാവിലെ 11.20-ന് 23 അടിയിലെത്തി.
അതേസമയം, ഇന്നലെ (ജൂലൈ 31) രാവിലെ 8.30-ന് ജലനിരപ്പ് വെറും 5 അടി മാത്രമായിരുന്നു. വൈകിട്ട് 6.30-ന് ഇത് 5.5 അടിയായി ഉയർന്നിരുന്നെങ്കിലും, രാത്രിയോടെ മഴ ശക്തമായതിനെ തുടർന്ന് ഇന്ന് രാവിലെ മുതൽ അതിവേഗ ഉയർച്ചയാണ് രേഖപ്പെടുത്തിയത്.
നദീതീരങ്ങളിൽ താമസിക്കുന്നവർ അതീവ ജാഗ്രത പാലിക്കണമെന്നും അധികൃതർ പുറപ്പെടുവിക്കുന്ന മുന്നറിയിപ്പുകൾ കർശനമായി പാലിക്കണമെന്നും ദുരന്തനിവാരണ അധികൃതർ അഭ്യർഥിച്ചു.
English Summary : A Red Alert has been sounded in Pala, Kerala, as heavy rainfall caused the Meenachil River water level to surge dangerously to 23 feet by 11:20 AM on August 1. According to data from the Meenachil River and Rain Monitoring Network (MRRM), the water level continues a slow upward trend (Trend: Up Very Slowly), placing low-lying and riverbank regions under high risk of flooding.
ശബരിമല: ഭക്തര് ദര്ശന സമയത്തില് മാറ്റം വരുത്തണമെന്ന് ദേവസ്വം ബോര്ഡ്
തീവ്ര മഴയെ തുടര്ന്ന് പമ്പാ നദിയില് വെള്ളപൊക്കം ഉണ്ടായ പശ്ചാത്തലത്തില് നിറപുത്തരി ചടങ്ങുകള്ക്ക് ശബരിമല നട തുറക്കുന്ന ഓഗസ്റ്റ് 2, 3 തീയതികളില് ശബരിമല ദര്ശനം നടത്താന് തീരുമാനിച്ചിട്ടുള്ള ഭക്തര് കഴിവതും യാത്ര ഒഴിവാക്കണമെന്ന് തിരുവിതാംകൂര് ദേവസ്വം ബോര്ഡ് അറിയിച്ചു.
ഓഗസ്റ്റ് മാസത്തില് തന്നെ ചിങ്ങമാസ പൂജകള്ക്കായും (ഓഗസ്റ്റ് 16 മുതല് 21 വരെയും) ഓണത്തോട് അനുബന്ധിച്ച പൂജകള്ക്കായും (ഓഗസ്റ്റ് 24 മുതല് 28 വരെയും) ശബരിമല നട തുറക്കുന്നുണ്ട്. ഇത് ദര്ശനത്തിനായി ഭക്തര്ക്ക് തിരഞ്ഞെടുക്കാവുന്നതാണെന്നും ബോര്ഡ് പറഞ്ഞു. കനത്ത മഴ തുടരുന്നതിനാലും മണ്ണിടിച്ചില് സാധ്യതയുള്ളതിനാലുമാണ് തിരുവിതാംകൂര് ദേവസ്വം ബോര്ഡ് ഭക്തരോട് ഇത്തരത്തില് ഒരു അഭ്യര്ത്ഥന നടത്തിയത്.
English Summary: The Travancore Devaswom Board (TDB) has requested devotees to avoid visiting the Sabarimala temple on August 2 and 3 during the Niraputhari rituals, following severe flooding in the Pamba River caused by heavy rainfall.
